昆頓彈超英演員唔係星劉思慕嬲豬反擊

美國鬼才導演昆頓塔倫天奴（Quentin Tarantino）出名言論富爭議性，最近他在訪問中批評漫威（Marvel）超級英雄電影而遭圍剿！他直指漫威電影製造不到明星，認為憑這些角色成名，根本不算真正電影明星！他說：「美國隊長係明星，又或者雷神都係明星，我唔係第一個咁講，之前已講咗億萬遍，呢啲系列角色先係明星，而非演員本身。」

憑漫威超級英雄「尚氣」上位的華裔男星劉思慕睇唔過眼，在社交網隔空反擊：「如果電影明星嘅唯一守門人係塔倫天奴同史高西斯，我永遠冇機會擔正一部4億美元以上票房嘅電影。我對佢哋嘅才華感到敬畏，佢哋係超凡導演，但佢哋唔可以對我或其他人嗤之以鼻。」