陳晞文的東奧之旅告一段落，1996年亞特蘭大奧運金牌得主李麗珊，賽後透過視像通話向Hayley道賀，兩代風帆女將言談間真情流露，「珊珊」更自言被晞文的努力所感動。
在香港擔任電視台評述的「珊珊」表示︰「頭先見到你，我真係感動到流淚，你令我回想起以前我做運動員嘅感覺，同埋你正面嘅諗法，係值得我哋學習，亦係將來運動員要有嘅態度，因為你由低處爬番上嚟，我真係好佩服。」
今次重新踏上奧運賽場，「晞文」足足等待了9年，「珊珊」續問Hayley，是甚麽原因令她在經歷重傷及失落奧運資格等挫折後，依然選擇堅持下來。「我諗好大原因係我真係好鍾意滑浪風帆，雖然嗰陣時自己好唔鍾意輸，同埋好唔鍾意陳敬然（港隊總教練），但係佢同我講，如果我克服唔到呢一關，我可能喺其他嘢會遇到阻滯，而停滯不前。」Hayley答道。
運動員生涯路上，少不了旁人的扶持，當年「珊珊」身邊有前任港隊總教練艾培理和丈夫黃德森，而對「晞文」而言，則換成總教練「阿英」陳敬然和未婚夫陳家威。
雖然Hayley多次笑稱「好憎阿英」，但承認教練的苦口婆心，是不斷推動自己進步的一大主因。「其實（陳敬然）會講出晒我嘅問題，可能會令我好唔忿氣；最尾我都發覺問題係喺自己度，多年嚟好多人都話過畀我聽有問題，但可能要喺『阿英』口中講出，再加埋未婚夫嘅『翻譯』，我先從而接納兼改變到。」