Toby盼改善無障礙設施
能夠堅持踢職業足球這個夢想，Toby少不了家人的支持，每次他有份落場的比賽，幾乎總是於看台上見到其父母的身影，就算是患上先天性殘疾，需要坐輪椅出行的哥哥，亦是球場上經常出現的捧場客：「哥哥雖然行唔到亦講唔到嘢，但係對身邊事物係有認知，爸爸媽媽為咗照顧佢非常努力。」比起哥哥，自己能夠自由活動，甚至在綠茵場上踢波，令Toby自覺十分幸運，亦因此學懂感恩身邊事。
和其他需要用輪椅出入球場的球迷一樣，Toby哥哥想入場觀戰港超聯，就需要借助球場的特別設施，但他認為本地球場的有關設計有改善空間：「小西灣運動場喺呢方面係做得最好，除咗有電梯，哥哥仲可以坐住輪椅，近距離同南區嘅球迷一齊幫球員打氣，但唔少場地嘅設計，對需要坐輪椅嘅球迷嚟講係好唔方便。」他舉例旺角大球場雖然有無障礙設施，但輪椅觀眾席被安排在球場角落，視野非常有限，輪椅觀眾亦被迫與大部分球迷隔開，大大影響現場觀戰的體驗，Toby希望有關部門能對此作出研究，令本地球場的設計更人性化。