盧比斯法蘭度搞足校 發掘本地新星
談到未來的計劃，34歲的法蘭度（Fernando）打趣道：「Fabio絕對可以踢多1、2季，佢依家先44歲，仲好後生！」3兄弟開懷大笑。
Fabio極力為自己解釋：「我仲未知自己終點喺邊，一日我嘅體能仲負荷到90分鐘，我都會踢落去，假如有好嘅生活習慣，足球壽命可以更長。」至於盧比斯（Fabricio）和Fernando則已為足球學校定立長遠發展大計：「我哋想幫助香港青訓發展，間學校有9成都係本地球員，目前正同足總合作，希望發掘多啲新星，特別係7至9歲嘅小朋友，為香港足球服務。」