劉國梁彈場地細惹日本球迷反擊
被視為中、日最大爭奪戰的乒乓球，未開波已經有火藥味！中國乒協主席劉國梁接受訪問時表示，東京體育館場地比較細，隨即引起日本網民不滿，高呼：「唔鍾意可以Out！」
擔心影響跑動
中國乒隊日前已抵東京，並且進行首課訓練，劉國梁坦言：「我剛才量度了擋板範圍，比起世界大賽較細，再加上兩張裁判枱佔去一定面積，因此我對運動員跑動有點擔心，這個跟以前的地方不太一樣。」
劉國梁「踩場」後的不滿報道，即惹來很多日本網民還擊，有球迷表示：「唔鍾意可以返歸，全部都係牢騷，中國、俄羅斯同埋南韓唔好嚟日本，去南極及北極參加奧運會啦！」另有網友表示：「每個國家都有相同嘅規則，中國同南韓都抱怨太多，莫非中國球員對自己冇信心。」不過亦有日本球迷認為東道主要聽取意見，「劉國梁曾贏過奧運金牌，佢嘅投訴都冇錯。」
中國過去在奧運稱霸多時，而日本隊為了主場搶金，早幾年已培育年輕新星，張本智和及伊藤美誠均被視為日本乒隊的奪金希望。