東奧就快到，曼聯名宿加利尼維利亦趁熱鬧，採訪英國女飛人甸娜史密芙（圖），期間仲同對方進行一場短跑賽事，結果係點？相信大家都估到，以加利佬嘅速度當然唔夠跑，更不幸係比賽中拉傷大腿，真係陰功。
加利佬球員時代有3個特點，就係「跑得慢、唔夠快、冇速度」，依家已經變成大叔，仲夠膽挑戰英國女飛人，真係要寫個「服」字畀佢。
至於現年25歲嘅女飛人甸娜史密芙係2019世錦賽200米金牌、100米銀牌得主，呢位英國田徑隊明星係東京奧運短跑項目嘅獎牌希望，加利佬用咁「特別」嘅方法鼓勵佢，都算用心良苦。
