取消奧運？唔係日本話事！
疫情咁犀利，日本堅持舉辦東京奧運，除咗為錢，原來佢哋係被迫嘅！英國《BBC》報道，國際奧委會（IOC）及主辦城市之間嘅協議寫明，有關取消嘅決定權全在IOC，主辦城市無權自行取消。
國際奧委會先係揸弗人
一名國際體育律師表示，因為奧運會是IOC嘅「專屬財產」，只有奧運會嘅擁有者才有取消權利。有報道指，IOC嘅收入約70%來自轉播權，約有18%來自贊助商，如果賽事取消，IOC財政狀況都會出現問題，甚至影響到奧運會嘅未來。
喺現代奧運歷史上，奧運會只曾取消過3次，計有1916年柏林奧運、1940年東京奧運，以及1944年倫敦奧運，上述3屆奧運會都因為第一及第二次世界大戰而取消，而且其中一屆奧運會亦由東京主辦，都咪話唔邪。