標準流浪簽林衍廷巴辛續戰港超未明朗

「壞孩子」林衍廷簽約標準流浪。

雖然本地波仍在抖暑，流浪近日仍維持隔日一課操練，採訪當日門將屠俊翹亦有跟操，李溢晉、播磨浩謙及黃駿軒等華將則已離隊。李輝立透露來季繼續「以老帶新」，保留林嘉緯、盧均宜及陳肇鈞等上季核心，並與部分愉園小將包括陳潤潼、余在言、楊迪麟，以及負面新聞纏身的林衍廷簽約。「我哋同佢講明，唔好再隨便得罪人，要發洩用對腳（踢波），唔好用把口。」李輝立道。外援方面，Philip稱僅留用祖連奴和奧利斯，另外會重簽前季效力過的31歲阿根廷前鋒巴辛。

• 巴辛（白衫）

要睇足總救市方式

即使組軍大致完成，但李輝立指未落實來季是否續戰港超，關鍵在於足總的救市方式：「唔能夠話得5、6隊我哋照踢，起碼都8隊，但有冇人傾呢？佢哋好似愛理不理咁。」他又質疑足總漠視有心「搞波」的投資者：「佢會唔會叫政府撥啲錢幫球會呢？直播費、保險、場租減免？唔好浪費資源啦。」黃雋謙報道