愉園職球員追討550萬欠薪

林毅東︰大家頂無可頂

是日記招亦有多位職球員出席，包括主教練鮑家耀，以及林毅東等球員。「阿東」於會上透露欠薪情況於去年季尾已開始出現，而今季欠薪金額達550萬元，當中未計算獎金，包括本地球員、外援、教練、職員及總監均有被拖欠，部分自去年9月起已經被拖欠薪金，受影響人數逾40人，其中年輕球員欠薪情況最為嚴重：「細嗰班球員拖咗9個月，大嗰班大概3、4個月；6月30日完約之後都未收到薪酬，大家頂無可頂，要發聲討回公道。」

「阿東」於會上提出三點訴求，包括希望僱主能夠支付所拖欠的薪金，並表示已安排勞資雙方於周四（15日）透過勞工處調停會會面：「絕大部分嘅球員都認為係可以傾嘅，但不接受幾個月後或分期（出糧），只能接受喺傾完之後兩個禮拜內一定要出足糧，我哋先會停止起訴。」

「阿東」透露愉園資方代表林燦彬已同意出席會面，他亦呼籲足總主席兼愉園體育會會長貝鈞奇，要多關心受影響職球員，並透露在入稟勞工處過程期間，得知貝鈞奇已在今年年初辭任愉園董事一職：「我哋肯簽新約，都係因為信任董事，『貝生』突然間退出，其實係唔係已經知道內部有啲咩問題？」同時間，「阿東」不忘感謝林燦彬不斷支援受影響球員，包括曾為球員預支兩個月薪水。林卓臻報道