7月中辦慈善賽預埋你 香港職業足球員協會成立

為足球同業提供協助

「Cow Sir」表示活動於1年前已開始籌備，但受疫情影響延後至今，他形容今次慈善賽屬第一步，目標成為年度盛事，而香港國際社會服務社將成為今屆賽事受惠機構，希望能為受疫情影響的球員提供幫助，並帶給足球業界更多正能量。

「Cow Sir」還稱今次活動的參加者主要集中於球迷及歷代球星，包括潘文迪、山度士等，同時也歡迎現役球員參加。

香港職業足球員協會於2021年3月成立，「Cow Sir」透露暫時成員不多，只有黃洋、唐建文、郭嘉諾等大約十多名成員，但將來會邀請更多有心人加入，進一步整理管治架構。他又指協會短期目標先完成慈善賽，盼凝聚更多香港人幫助足球行業。

至於長遠目標，則期望令球員有更安穩生活，包括緊急款項協助，及幫助球員轉型提供出路等。另外，「Cow Sir」強調協會並非足總轄下機構，亦不是與球會老闆「搞對台」：「如果協會幫到球員解決問題，反而會令佢哋同球會關係更加緊密，唔好以為協會一定同老闆、足總『對着幹』。」

此外，多名現役港超球星包括盧均宜、林嘉緯及謝德謙等，亦有現身支持。至於有份出席活動的足總主席貝鈞奇則稱，足總雖並非主要舉辦機構，但仍會全力支持：「籌款、聯絡慈善機構或者筆錢點用，當然唔係足總處理啦！但我哋會協助佢哋搵場地、裁判等人力支援。」

預計4000人參加比賽

「2021全民足球挑戰賽」將於7月17至18日，在維多利亞公園、摩士公園等運動場地同時舉行，分為商業組（男子）、資深組（男子45歲以上）、男子和女子公開賽、U18男子組、U16男子組和U14男子組7大組別，預計會有多達400支參賽隊伍，整體人數將有機會高達約4,000人。李浚湣報道