理文4球大破晉峰

比賽初段晉峰主動進攻，先有費利浦薩禁區外遠射高出。7分鐘晉峰中路博得罰球，佐敦布朗斬入禁區，艾拔簡勞再頭槌二傳，可惜鄭璟昊射門同樣不中目標。19分鐘理文換入李康廉，頂替受傷的洛迪古斯，隨即收到成效，2分鐘後基華尼頓於禁區外突放冷箭，皮球彈內柱破網。理文領先後攻勢浪接浪，臨完半場前理文把握反擊機會，黃俊皓後上接應李康廉傳送，單刀射破林駿杰十指關，兼取得今季「開齋波」，理文領先2比0入更衣室。

顏樂楓復出交助攻

落後的晉峰下半場積極反撲，可惜費利浦薩一射一傳都未能製造入球。理文及後換入傷愈復出的顏樂楓，70分鐘「光頭」殺入禁區橫傳，尾柱基華尼頓剷射得手。這位巴西射手5分鐘後再接應李康廉直線，推過何浚皓後射入遠柱，完成帽子戲法，結果理文以4比0大破晉峰，連續兩場取得勝仗。