陳俊樂8個月後再獲上陣機會，「廣州打吡」踢足全場！周二晚中超揭幕戰，A組廣州賽區賽事，港足代表「樂仔」陳俊樂獲廣州城新主帥雲加斯特安排正選上陣，結果廣州城下半場一度反超前之下，遭廣州隊追成2比2完場。
廣州城今季陣容變動頗大，外援連拿天奴、列查路施夫高域等悉數離隊，今仗正選陣容只有前布拉加翼鋒古靴美1名外援，實力上稍遜。相反廣州隊雖然有星級外援保連奴，以及泰利斯卡未能趕及歸隊，惟仍有隊長鄭智、艾克森及阿蘭等主力坐陣。
畢竟兩隊實力有一定差距，廣州城今仗排出5後衞陣式，令廣州隊開賽初段佔得上風；這支上屆中超亞軍球隊開賽7分鐘率先打開記錄，廖力生右路傳中，前鋒阿蘭尾柱頭槌建功。「樂仔」今仗在中場助攻助守，17分鐘更間接替球隊製造入球，黃政宇接應「樂仔」中路傳送，右路勁抽入禁區，導致對方球員嚴鼎皓擺烏龍，廣州城將比數追平。
廣州隊之後積極進攻，26分鐘，陳俊樂後場解圍不遠，廖力生射門被守衞擋出底線。上半場尾段廣州隊錯失黃金機會，嚴鼎皓禁區內被踢跌，可惜艾克森12碼宴客，半場兩隊踢成1比1平手。
廣州城經過調整，並於下半場51分鐘偷襲得手，由隊長葉楚貴近門撞入反超前2比1。贏形勢但落後的廣州隊全力反撲，雖然曾有機會獲12碼卻被VAR推翻，但戰至86分鐘，嚴鼎皓大腳斬入禁區，後備入替的吳少聰頭槌破網，最終雙方踢成2比2。
賽後陳俊樂接受本報訪問，坦言復出首戰感覺興奮多於緊張：「好開心可以喺聯賽首仗踢正選，仲要係『廣州打吡』，球場氣氛真係好正；我哋陣中好多傷兵，但可以賽和對手已經係好成績。賽果當然有啲唔抵，因為最尾先畀對手追平，不過我哋全隊都踢得好有拚勁。」上季季中因傷提早收咧嘅「樂仔」，經歷超過半年時間康復，終於在中超開咧戰重回綠茵賽場，他承認重獲正選是意料之外：「因為我之前踢熱身賽都未試過踢足90分鐘，今場波係傷完之後首次，而且踢到尾段有啲抽筋，希望狀態可以喺比賽中一直提升。」李浚湣報道