楊正光：Vas努力適應緊
季前隨富力R&F突然退出港超聯，而一度各散東西的主教練楊正光、球員伊高沙托尼和勞烈斯（Vas），「兜兜轉轉」終在梅州客家重聚。再次投效梅州客家的楊正光表示完成隔離向球會報到後，便立即想約「伊高」和Vas在一隊操練後見面。
「『伊高』見慣世面，佢適應一啲都冇問題，只係話呢度嘅訓練量『甘』好多。仲話佢太太有咗BB，所以早排返咗巴西先，要遲啲先可以見面喇。」現任梅州客家U21主教練的楊正光表示。至於勞烈斯，楊正光則謂這位防守球員在操練中非常賣力：「『曹總』（即梅州客家總經理曹陽）喺決定簽Vas之前，曾經問咗我好多關於佢嘅嘢，我有講晒Vas嘅強項同不足之處。其他教練都有同我講吓Vas嘅進度，全部都讚佢好勤力。」梅州客家上周六與另一中甲球隊黑龍江拍跳，Vas正選上陣60分鐘，表現不俗。
那麼今次重返梅州，跟2016年時分別大嗎？「球會規模大咗好多，個基地又大又靚又新，仲有一間學校，設施好齊全，基地出面都比之前旺咗好多。」「光仔」表示唯一未完全適應的，就是十分掛念老婆和一對仔女，每日都會抽時間作視像交談。