天水圍飛馬回師主場迎擊愉園
今日港超頭場之一，天水圍飛馬下午3時於元朗大球場遇上愉園。今仗是飛馬相隔120天後再次主場出擊，坐擁地利下絕對不容有失；「快活谷」去役不敵晉峰被破7戰不敗金身，希望能於飛馬身上搶分，重拾信心。
賽前排第4的天水圍飛馬，相隔3個月再於主場出擊，主教練郭嘉諾呼籲元朗區球迷入場支持球隊：「元朗同天水圍嘅球迷都期待我哋返嚟，尤其嚟緊連續3場主場，希望多啲球迷入場支持飛馬。」
「嘉諾Sir」喜見昔日門生進步
愉園多位球員曾在港青與「嘉諾Sir」合作過，包括朱偉鈞及黎培基等，「嘉諾Sir」喜見他們近年的進步，並強調今季的「快活谷」絕不比其他強隊遜色，惟「郭Sir」認為愉園防守雖強，但攻力欠奉，故飛馬今場會採取主動，務求盡早領先。他又特別點名要提防米基爾、查理史葛和林衍廷。飛馬本身雖有山度士仍未康復，但外援緊絀下，今場或會要求他負傷應戰，而胡晉銘及劉學銘則因傷上陣成疑。
愉園上仗不敵晉峰，聯賽首度落敗，主教練鮑家耀坦言不滿表現，希望球員能盡快振作：「上場傳波質素差，攻勢成日斷纜，由守轉攻速度亦慢，但我有信心佢哋改善到。」「鮑Sir」又指飛馬實力強橫，加上要作客，必定相當「惡啃」，會以1分做目標。羅拔奧度因傷患復賽後已缺陣3仗，「鮑Sir」坦言這位尼日利亞「獵豹」能提升反擊速度，希望他可趕及傷愈復出。