嘢食攞滿分同行都幫襯
來到「添仔蝦餃」，當然少不得要叫上「一盅兩件」，出色的燒賣和棉花雞固然不能錯過，而經常未到收檔時間，就已經售罄的招牌蝦餃，更是主理人顏爸爸的誠意推薦，背後製作的心思當然不馬虎：「好似今日咁，賣到啲客上到嚟先知冇得賣，因為我哋堅持係新鮮做，差唔多一路做一路包；啲蝦我哋揀靚啲嘅蝦，真係好用心揀過好多隻，先至決定用呢款。」
有「光頭」坐鎮的緣故，點心舖亦獲不少港超球員支持，記者採訪當日，效力晉峰的廖億誠和茹子楠，就結伴前來幫襯，「光頭」透露早在10歲效力黃大仙區隊時已認識「億誠」。有朋自遠方來，「光頭」當然落力招呼。晉峰孖寶大快朵頤後，都對點心讚不絕口，「茹子」就表示：「燒賣同馬拉糕都好好味，同埋好飽肚，比起其他酒樓，呢度嘅做法係傳統好多，真係好抵食。」