傑志保榜首撲擊標準流浪
今日「中銀人壽香港超級聯賽」重頭戲，由榜首傑志到訪青衣運動場，惡鬥標準流浪。上仗流浪取得今季首捷，有「宜嘉」盧均宜、林嘉緯坐鎮，及新兵陳肇鈞助拳下，實力進一步提升；傑志去役挫東方龍獅登榜首，為鞏固1哥席位，勢猛擒標準流浪！（周日下午5時30分開賽）
標準流浪上場2比1贏晉峰打開今季勝利之門，教練之一賴嘉輝指球隊士氣大大提升。雖然今屆「菁英盃」兩鬥傑志皆負，惟他直言球隊今場依然以3分為目標：「呢周做咗好多針對傑志嘅部署，目標當然唔係輸少當贏或淨係攞1分，我哋希望睇吓可唔可以贏波，藉此提升排名。」兵源方面，流浪尚算完整，上場傷出的盧均宜康復得「7788」，惟祖連奴仍因肌肉不適，繼續無緣正選。
朱志光用強陣唔會留力
連同今仗在內，傑志10日內要應付3場賽事，總監兼總教練朱志光強調，在隊數少的情況下並無留力的空間，除個別位置會作調整外，今場仍會遣主力出戰。他又指丹恩奴域剛「撻着副偈」，會繼續讓他提升狀態。
雖然「藍鳥」正值3連勝，士氣狀態甚佳，但「朱Sir」坦言不會輕敵，尤其對手陣中有「宜嘉」：「佢哋今年係強隊嚟，『足球先生』都有個！我熟佢哋路時，佢哋都熟我，今場一定要小心。」朱志光還以金句形容流浪︰「高櫈仔你見到佢，但矮櫈仔你未必望到，咁先容易戟親！」