愉園晉峰搶分有惡鬥
今日港超聯頭場，迎來榜下游搶分大戰，由愉園於深水埗運動場主場惡鬥晉峰。愉園上仗賽和勁旅理文，繼續成為聯賽少有不敗之師，至於晉峰則在補時階段被標準流浪絕殺，士氣大受影響。雙方暫時聯賽仍未打開勝利之門，今仗為全取3分必定博盡！（周日下午3時開賽）
鮑Sir有信心「開齋」
愉園上仗與理文各得1分，主教練鮑家耀對球隊整體表現感滿意。本身「快活谷」今季於盃賽兩挫晉峰，「鮑Sir」直言球隊將會沿用之前的踢法，希望再次擊敗對方：「球季停咗兩個幾月，但睇完佢哋兩場波，都唔係改變咗好多嘢，所以戰術都唔會點變。」外援米基爾、羅拔奧度仍有傷在身，惟「鮑Sir」對取得聯賽首勝充滿信心。
另邊廂，晉峰上仗不敵標準流浪，總教練何信賢認為球隊防守已有一定進步，對於上仗遭絕殺，他表示球員經已重新振作：「球員已經回復心情，加上班主都有鼓勵我哋，有信心佢哋可以經得起挫折，往後踢啲娛樂性足球畀球迷。」今仗面對同以青春班為主的愉園，「何Sir」期望球隊在進攻上更有自信，盡量放膽攻門及減少無謂搓傳，同時他認為對方前場突擊速度快，需要小心提防他們的進攻，目標至少取得1分。