4強戰理文對愉園擇日補賽

昨日的會議，兼任愉園體育會主席的足總主席貝鈞奇避席，會議主席由其他董事臨時擔任。會後自稱避席會議的總幹事袁文川，代表董事局公布會議結果，指董事局在考慮到上周一（2月22日）由紀律委員會發出的7日禁賽令，影響到愉園上周三「菁英盃」4強比賽的「應對方法」；並且考慮到「體育精神」，希望「球賽以公平競技下得出結果最理想」，故決定「菁英盃」4強，愉園對理文的賽事將擇期補賽。

「袁總幹事」續解釋，紀律委員會當時的裁決影響愉園的「應對行動」：「如果冇呢個裁決，佢可能即日交番錢呢？」被問到上周六上訴委員會判球會上訴得直的理據，他指出當時委員會考慮到7日禁賽令的罰則過重，因而推翻判決：「違例係咪攞咁嘅方法去處理呢？上訴委員會覺得7日唔畀比賽並非最適合，當然亦考慮到當日佢（天水圍飛馬）交到錢。」

理文聲明拒絕補賽

按目前情況，愉園及天水圍飛馬在「保險金」事件上未有任何懲罰，「袁總幹事」反問「你點知冇罰則？」但稱現階段要待紀律委員會再作跟進，不代表不會作出懲處，他強調：「一個人犯咗錯佢做補救係咪可以有酌情考慮呢？呢個可能係官先話到畀我哋聽，但你唔好唔記得，呢度係足球總會。」

對於理文早前聲明不會接受任何補賽安排，袁文川質疑理文對獲判自動勝出的假設屬誤解：「一般嘅決定都有上訴機會，點可以當做Absolute（絕對）呢？信件上淨係講嗰場波唔會當日舉行。」假如理文拒絕接受補賽，「菁英盃」決賽席位會如何定奪？袁稱「會按規例處理」，但是否反判理文自動輸0比3，他僅謂要再次交由紀律委員會處理。黃雋謙報道