傑志3將開Live分享備戰感受

黃洋話抽靚籤好「矛盾」

作為球隊「老大哥」，黃洋今屆隨時是他最後一次踏步亞冠舞台，他期望傑志能夠製造驚喜和美好回憶予球迷，自己亦會做足準備：「最近盡量保持番個身體，希望球場一開就即刻練番波。」有指今次傑志「抽靚籤」，黃洋笑言比較矛盾：「對球員嚟講未必成日有得踢亞冠，當然想把握機會對強隊；不過對球隊方面，呢組絕對係好籤，可能會冇咁大壓力。」

兩位「亞冠正賽初哥」羅梓駿及陳晉一，則異口同聲對比賽十分期待。其中，有網民透露FC泰港「又快又硬」，實力絕不容忽視，「羅梓」認同「亞冠盃」中沒有弱隊：「泰超節奏同速度好快，一啲都唔易踢。另外FC山東都係勁旅，尤其有費蘭尼依啲一線球星，身高已經有所輸蝕，希望球隊整體上可以彌補番。」至於首次參與「亞冠盃」分組賽的陳晉一，直言能立足亞洲區最高水平的球會賽事，是一件夢寐以求的事。然而，球季停擺了一段時間，「一仔」承認生活習慣受影響，不過他卻沒有因此而懶惰：「自己成日跑步同喺屋企郁下，希望其他隊友繼續做好本份，一齊唔好放棄。」

丹恩奴域下周來港報到

除了3位華將，傑志昨日亦發布丹恩奴域的訪問，透露這位黑山中鋒下周將抵港。這位傑志新援稱一直渴望再戰「亞冠盃」，更表示已急不及待來港操練，期望與隊友盡快建立默契。他笑言自己即將40歲，因此不能計劃太多，只能見步行步，新球季目標希望保持健康，在球場上繼續證明自己，並打破「亞冠盃」最多入球記錄。李浚湣報道