「聰爸」開心個仔獲認同

「我後生都係踢波嘅，佢哋兩兄弟細細個就跟埋我出去球場，人踢佢哋又踢，當時有冇諗過佢哋會踢職業波？梗係冇啦！嗰時兩個都好肥，畀佢哋踢波係想佢哋減肥咋！」「聰爸」回憶道。「我同老婆一直都好相信，父母畀子女嘅係一張白紙，但喺上面寫啲咩就應該留番子女自己去決定，個人生係佢哋嘅，父母支持就夠。好安慰佢兩兄弟都好努力去寫自己嘅人生，唔使我哋兩公婆擔心。」過去曾經在不同場合，向其他家長分享與子女相處心得的「聰爸」謂。

感激「細佬」身邊貴人

「『細佬』今次轉會，全家都戥佢高興，最高興係見到佢嘅努力冇白費到。當然仲要多謝一直好幫佢嘅貴人，佢一直以嚟嘅際遇都好好，但一定唔可以自滿，要繼續努力先得。」訪問期間，「聰爸」不時強調「食呢行飯要出番呢行要嘅力」，並慶幸兩個兒子一直都沒有忘記這句說話。