天水圍飛馬險勝晉峰

嘉諾Sir首度督師即贏

飛馬主教練郭嘉諾上月赴內地考牌，今仗是其回港並完成隔離後首次親自領軍。飛馬上場意外大敗給冠忠南區，為爭首捷今役正選派上4名外援。主隊晉峰則有「超聯兵」茹子楠、鄭璟昊重回正選。飛馬甫開賽即反客為主，方栢倫於8分鐘左路博到罰球，由班拿度主理，古安奴搶前衝頂高出。2分鐘後晉峰還以顏色，卡爾特納接應角球施頂，被梁興傑接實。賽前被睇低一線的晉峰，未有如賽前所料被動受壓，19分鐘更憑費利浦薩右路半射半傳創造一次黃金機會，不過再次被飛馬隊長梁興傑化解。飛馬及後反壓，30分鐘終由基斯接應劉學銘妙傳近射得手，飛馬領先1比0。

換邊後，雙方互有攻守，惟未能再次製造入球，直到補時階段，晉峰費利浦薩雖射破飛馬大門，可惜被判越位在先食詐胡，最終飛馬保持贏1比0，取得主帥「嘉諾Sir」回港後領軍首場勝仗。圖、文：黃雋謙