「港超腳」大戰 東區逼和深水埗
本周末除港超聯開鑼，本地甲組聯賽昨日亦有首輪賽事上演。其中深水埗鬥東區爆發「港超腳」大戰，結果半場各入1球，以1比1言和。
上季腰斬前敬陪末席的深水埗，新季吸納了羅港威、麥富城、許嘉樂及梁星耀等因球隊散班而「冇着落」的球員，配合嚴啟華、黃耀富、王子聰等「前港超腳」，整體級數大幅上升。另邊廂東區亦陣容鼎盛，除擁有前港足代表陳肇麒、陳偉豪、文彼得外，上季踢港超的曾梓軒、廖偉業、葉嘉宇亦在陣中，因此在開賽前已頗受矚目，吸引逾百球迷到場觀戰。
今仗深水埗派遣羅港威打正前鋒，許嘉樂、黃耀富任左右翼，陳銘剛與嚴啟華坐鎮中後場，東區就安排陳肇麒踢箭頭，並由陳偉豪、廖偉業、李家豪及文彼得組成防線。12分鐘，深水埗由鄧港桁開紀錄，惟戰至33分鐘，東區文彼得左路傳中，深水埗門前亂作一團，結果里奧「偷雞」篤入，為球隊扳平。完半場前深水埗幾乎再度領先，可惜羅港威兩次施射均中柱彈出。易邊後東區控制戰局，可惜陳肇麒多次頭槌攻門不果，最終這場「港超腳」大戰以1比1告終。
圖／文：黃雋謙