事隔9個半月，冠忠南區迎戰晉峰昨役首次開放予球迷（圖）進場，雖然只有235位球迷入場，但氣氛不俗。
身穿南華球衣的球迷陳先生，在開賽前大約90分鐘已抵達元朗大球場：「對我嚟講最重要支持本地波，睇邊隊都冇所謂。」年輕球迷阿軒則對重返球場表示興奮：「終於唔使再擒欄杆睇波喇！」冠忠南區前鋒夏志明，認為球迷的現場打氣非常重要：「畀到球員額外動力，美中不足係贏唔到波，令到咁遠過嚟支持嘅球迷失望。」李浚湣報道
