球迷入得場東網直播助興 晉峰求首捷火併冠忠南區 仇人見面東方龍獅再鬥愉園

晉峰求首捷火併冠忠南區

晉峰上仗以2球不敵愉園，連續3場下半場都出現失球，總教練何信賢坦承球隊穩定性不足，加上球員求勝心切，最後階段每每顯得心急，容易出現大量死球導致失分，希望今仗能有改善。

今仗對手南區擁有多名「高空轟炸機」，對晉峰這支平均身高、體格並不突出的球隊來說，絕對是一大考驗。惟「何Sir」信心十足：「我哋彈跳力唔曳，只要集中啲，唔好輸咁多死球，應該應付到。」他又透露傷兵情況有好轉，暫時只得林富貴及費利浦薩未能上陣。至於上仗與隊友碰撞後退下火線的門將林駿杰，可望趕及披甲。面對南區一眾「高佬」，「JJ」揚言不擔心：「我會準備好啲，一見對方斬波就出定嚟，希望畀隊友更多信心。」

冠忠南區隊長 佐佐木周	愉園中堅 葉卓文	東方龍獅Ｕ22 奧利華

列文望保清白身

冠忠南區上仗遭東方龍獅反勝，主教練列文對球員的積極態度感滿意：「換邊後球隊受到幾次犯錯影響，如果避免到同保持上半場嘅表現，我哋係有得踢。」首循環險勝晉峰為列文帶來教練生涯首勝，今日再遇他提醒球員切勿輕敵，尤其希望獲勝之餘能沒有失球。最後一次以U22球員身份出戰「菁英盃」的門將蔡子濤，亦有同樣想法，他坦言比起一場對攻大戰，自己更想為球隊零封對手：「如果可以冇失波而贏波，代表我哋進攻防守攞到平衡。」

仇人見面東方龍獅再鬥愉園

愉園首循環戲劇性反勝2比1，今日尾場再遇東方龍獅，主教練鮑家耀深信對方必盡力報回一敗之仇，預料會是惡戰一場，惟他表示「快活谷」現時2戰全勝高踞小組榜首，球員信心大增，只要保持集中，可望「有分落袋」。

新援查理史葛上仗迎來地標戰，但僅踢半場便退下火線。「鮑Sir」指此子近半年沒有比賽，狀態及體能尚未回復最佳水準：「佢上場嘅企位唔係太好，令茹子楠輕易停到波，防線受壓好大，下半場換咗人先好啲。」「鮑Sir」透露查理史葛狀態已有明顯改善，他與尼日利亞外援羅拔奧圖，今日有望披甲，至於另一位前「超霸鷹」小國腳艾迪比帝則仍未通過體測，另外前富力R&F球員林衍廷最近亦有跟操。上仗首次擔任正選的楊迪麟發揮不俗，這位年僅18歲的小將賽後笑言：「之前都試過後備入替，所以唔太緊張。」

奧利華改踢中場冇難度

東方龍獅近兩仗有反彈演出，總監兼主教練李志堅讚揚球隊心態上調整得不錯，但季初就出現傷兵潮，李志堅亦感無奈：「經歷過上季復賽，啱啱又一周雙賽，無論體能同心理上都處於好大壓力。」上仗小將鄭子森頭部受撞擊，要進一步觀察，另膝部有傷的艾華頓亦上陣成疑。

為應付傷兵潮東方近期都作出變陣，其中U22小將奧利華過去兩仗由右閘改踢中場：「自己細嗰都係踢中場，雖然有一排冇踢呢個位，但近兩場踢番發揮愈嚟愈好。」