李志堅要為香港球隊攞威

東方龍獅上季勇奪盃賽「雙冠王」，最終僅僅與聯賽冠軍擦身而過，談及來季目標，「堅Sir」笑言將以「3冠王」進發，並期待重返亞洲賽賽場，戰績能更上一層樓：「我覺得香港嘅球隊，就係需要贏。」疫情下，李志堅表示暫時未知來屆亞協盃的最新安排，但就對賽事能夠成功舉辦充滿信心，並覺得若北韓代表最終未能參戰，東方龍獅形勢上能夠佔優。

茹子楠外借晉峰

對於上季聯賽第3的富力R&F宣布退出，「堅Sir」認為對球市會造成一定影響，同時對球圈人士有警惕作用：「我覺得所有嘢都講經驗，足球從業員係需要經驗去認識商業社會係點，唔係話我今日Offer幾多錢畀你，你就參與，要認清楚公司嘅運作。其實所有嘢都係咁，大家要學習多啲，睇清楚啲。」富力R&F散班，令不少球員面臨失業，「堅Sir」坦言望能伸出援手，但由於不少球員依然與富力有約在身，難度頗大。

李志堅亦交代將會外借茹子楠至港超新軍晉峰，希望獲得更多上陣機會，但不排除季中會回收這位22歲年輕中場以應付亞洲賽賽事。此外，今年7月加盟東方龍獅的前和富大埔守將唐道碧，會以借將身分加盟冠忠南區。