傑志於港超聯煞科戰失而復得，捧起球會第10座本地頂級聯賽冠軍，亦意味下季「藍鳥」獲資格代表香港出戰亞洲賽。展望下季征途，會長伍健亦聲言會繼續增兵，更不排除會引進具實力外援，為可能再戰亞冠做準備。
昨役現場觀戰的伍健見證球隊成為聯賽王者一刻，賽後亦向傳媒分享當下心情：「過去一個禮拜，其實心情上已經做好各種準備，今日係開心嘅。」早前對冠忠南區一役，傑志曾被對手逼和失分，可幸煞科戰贈愉園4蛋，以一場大勝慶祝球隊聯賽封王，但伍健笑言過程實在太驚險：「我寧願今日嗰4球，有1球擺咗去對南區嗰場，唔使驚得咁交關。」
傑志取得下季亞洲賽入場券，甚至有望繼2017/18賽季再登上亞冠正賽大舞台；上次為征戰這項亞洲最高級別球會賽事，「藍鳥」高調引入烏拉圭球星科蘭，伍健揚言來季不排除會再有重點引援：「如果打亞冠都要有啲戰鬥力，否則就會畀多啲機會本地球員打多啲。」
伍健希望一班年輕球員來季能擔大旗：「好希望嚟緊一季，至少有5至6個年輕球員成為常規主力，單靠有經驗但年紀大嘅球員，香港足球唔會有進步。」他點名陳晉一及趙聡悟等小將，大讚他們的天分，更認為「一仔」今季進步神速。