細佬羅素今午演香港打吡

今午3時半上演的中甲首階段第8輪賽事,激爆「香港打吡」!兩位港隊球員羅素和梁諾恆,分別代表江西聯盛和梅州客家,於梅州賽區正面交鋒。此戰決定梅州客家能否進入「衝超組」,兩位港將各為其主,今仗勢不留手。

梁諾恆效力的梅州客家暫以4勝3和不敗戰績排小組首名,今場只要贏波,即鎖定前2位打入「衝超組」,「細佬」之前7仗全部踢足,更於贏陝西大秦之水2比0一役中交出「士哥」。羅素首仗串演前鋒亦為江西聯盛攻入一球,可惜球隊目前7戰僅得4分排榜尾,篤定跌落「護級組」。

梁諾恆:落到場冇面畀

「細佬」受訪時總結感受:「適應比預期快,暫時都打晒所有比賽,不過今年係賽會制,主場始終有一定優勢,要等下季先可以感受吓真正主客制。」梅州現時很大機會殺入次圈,惟他仍不敢小覷同組勁敵:「首先目標拎咗首圈前二先,同組嘅貴州同浙江都係中甲前列。如果我哋成功出線,證明梅州係有能力。」

對於今場遇上港隊中堅拍檔羅素,「細佬」透露兩人間中亦會相約閒聊,但坦言「落到場就冇面畀」:「我哋一定要贏,用3分穩住前2位!」