福將艾華頓膺雙料ＭＶＰ
高級組銀牌落幕，東方龍獅成功封王，其中巴西射手艾華頓（圖）盡顯身價，貢獻關鍵助攻，協助球隊打破僵局之餘，最後更射入奠勝「埋齋波」，稱得上是捧盃頭號功臣。賽後艾華頓順理成章獲選最有價值球員（ＭＶＰ），連同早前足總盃決賽，成就盃賽「雙料ＭＶＰ」！
賽後東方龍獅主教練李志堅，親自頒發ＭＶＰ獎座給愛將，更大方分享艾華頓「使用說明書」：「當然佢係一個相當難得嘅球員，身體質素各方面，都係相當出色。其實大家都知道佢點樣踢，無論係對面嘅教練，或香港嘅球員都好熟悉佢。其他球員嘅走動配搭，點樣分散對手對佢嘅封鎖，令到佢有機會突圍，先至係關鍵。」