葉鴻輝:將勝利獻給離世球迷

2019/20賽季足總盃落下帷幕,東方龍獅2比0氣走富力R&F捧盃,除了射入奠定勝局一球的艾華頓,被賽會選為足總盃MVP(最有價值球員)之外,比賽中把守最後一關的葉鴻輝,亦交出神勇表現,賽後他就將這座獎盃,獻給一直支持東方龍獅的球迷。

MVP艾華頓想場場入波

東方龍獅今仗於前場派出盧卡斯、辛祖及艾華頓「森巴三寶」,3人全場連番衝擊富力R&F防線,其中「左腳仔」艾華頓於進攻右路,要面對方栢倫、林柱機等守將夾擊,依然能靠出色技術,多次為球隊製造進攻機會,更於78分鐘禁區內起左腳,射破富力R&F門將周煜辰把守的大門,這個亦是艾華頓繼8強對傑志、4強對香港飛馬取得士哥之後,於今屆足總盃射入的第4球。這位森巴兵接過MVP獎座後,亦不忘感謝戰友們的幫助:「捧起足總盃同攞到MVP獎感覺好奇妙,最想多謝都係我嘅隊友,為咗呢場波,我哋一齊艱苦訓練。」他笑言如果可以,希望每場比賽都能夠入球。

東方龍獅最終能夠取勝,為球隊保住「清白身」的門將葉鴻輝亦功不可沒,他坦言球隊與獎盃「闊別多時」,今次能夠捧盃意義特別大:「因為太耐冇攞冠軍,重新攞番係非常之開心。」因為防疫關係,今場足總盃對決要閉門進行,但無阻一班熱血的東方龍獅球迷,攀山涉水到半山眺望大球場戰況,為愛隊吶喊助威,葉鴻輝賽後亦代表隊友感謝球迷支持:「我哋唔係冇觀眾,有一啲球迷喺山上支持我哋,我知道近呢幾日,有位東方球迷離開咗我哋,賽前自己都想有機會將獎盃送畀佢,最終都做到,希望佢喺另一個世界,都好好生活。」