傑志重奪菁英盃
傑志捧走菁英盃！昨午將軍澳運動場進行終極「菁英對決」，由A、B組兩支首名球隊——傑志及冠忠南區正面交鋒，經過一輪激戰，傑志憑安永佳、巴拉克以及蘇沙各建一功，以3比1擊敗冠忠南區，成功捧走今季首個盃賽錦標。
為爭逐冠軍殊榮，兩軍踢法毫無保留，傑志於3分鐘已有威脅射門，冠忠南區為堵截傑志進攻，球員每每「去到盡」，其中陳凱柏、陳廣豪以及叢振洪更在4分鐘內，接連領到3面黃牌。戰至35分鐘，傑志的努力取得回報，憑一次罰球攻勢，由陳晉一博得12碼，安永佳主射破網開紀錄。至完半場前，南區陳凱柏開出罰球，後防比圖遠柱無人看管下一頂破網，為球隊追成1比1平手。
巴拉克直射罰球奠勝
下半場初段冠忠南區的攻勢比較多，多次博得角球，其中夏志明更有1次單刀機會，但被旁證判越位在先。然而，傑志抵擋住一輪狂攻後，於58分鐘換入蘇沙，此子僅花7分鐘即取得入球，傑志再次領先，加上今仗多次處理死球的巴拉克，於75分鐘以一記靚絕罰球直射破網，終助傑志贏3比1，繼2017/18年球季後，再次稱霸菁英盃。
傑志主教練朱志光表示滿意球隊演出，並勉勵陣中小將一番︰「好多後生仔，都係我睇住佢哋大，或者已經喺球會幾年，希望佢哋唔止今日拎菁英盃，嚟緊聯賽，甚至幫香港，都可以爭取好成績。」至於冠忠南區教練貝可泓則稱︰「其實今日大家都好落力，只係戰術方面發揮得未係好高分。」他又表示復賽經過3場比賽，球員都「冇穿冇爛」，已算達到最初目標。