首屆足球小姐以身作則 王淑芬‧傳承‧熱情
「自己各類獎項都攞過，我已經唔係只求贏，繼續踢係因為有好大決心幫助年輕球員進步，令更多女孩子鍾意足球！」視足球為終生事業的首屆香港足球小姐王淑芬期望，無論是以球員抑或教練的身份也好，皆可將自己的足球知識和熱情傳承下去！
繼在車路士（香港）足球學校由兼職改任為全職教練後，王淑芬在球場內外的角色不斷改變。過往多數在球場上出任翼鋒負責衝鋒陷陣的她，於2017年轉投愉園後，隨即轉型為中場球員，並憑着經驗及球場視野，延長自己球員生涯。她上季在同時兼任助教下，協助球隊以全季不敗的姿態勇奪甲組冠軍，個人更獲選為首屆香港足球小姐。
轉任中場喜獲新知識
王淑芬謙稱仍在不同層面中學習，重點在於如何樹立好榜樣：「起初我都會犯錯，甚至會懷疑，畢竟『Miss』（陳淑芝教練）過往好少安排我擔任中場。我要相信教練、配合隊友，轉型中場我亦感到開心，因為學習咗新知識。或者到我呢個年紀、所踢嘅位置，實在唔使跑太多，但係呢個係一種態度。好多人會認為我好熱血，當年輕人見我喺度跑，佢哋自然冇理由唔去跑。」
披12號球衣意義重大
王淑芬在榮獲足球小姐時的得獎宣言，表示跟偶像三浦知良同樣熱愛足球，雖然沒有為球員生涯定下時限，但可以肯定的是，一直穿起12號球衣的她，會將其代表着的使命傳承下去︰「『Miss』退役時將12號波衫交畀我，意義重大，呢個號碼畀咗我無限信心，亦成為咗我嘅標記！」