上月中隻身飛赴阿爾巴尼亞，投效聯賽勁旅維拉斯尼亞（Vllaznia）的香港隊女足代表韋婉婷，經過在連場賽事中的努力，終獲維拉斯尼亞會方和主帥的認同，官宣「試用期」合格，雙方將簽約至今季季尾。「韋婉」對此表示欣喜，並會繼續努力先迎接下輪的聯賽榜首大戰，之後再放眼歐聯。
「韋婉」在當地時間本周二舉行的聯賽，為維拉斯尼亞正選上陣鬥Maliqi，雖然未有入球和助攻，但在整個上半場表現活躍，最終維拉斯尼亞以14比0大勝對手。
賽後，「韋婉」接受香港資深傳媒人Graeme訪問時表示：「我同球會應該會簽約到季尾，只要球隊喺聯賽能夠保持長勝，我應該有機會挑戰之後嘅歐聯。初初嚟嗰陣，因為得我一個人，都有少少驚，練波都唔係太適應，但慢慢都OK，亦冇諗太多其他嘢。教練希望我可以喺賽事做多啲傳送，呢場上陣咗45分鐘，應該達到要求啩！」
「下一輪就會對聯賽第2位球隊，一定係一場硬仗，好期待可以上陣，出戰有番咁上下實力嘅對手，見識佢哋有幾硬淨同幾難應付，非常非常期待！至於之後點，呢一刻唔會諗太多，嚟咗之後，樣樣嘢都算順利，我都好享受。」「韋婉」補充謂。