內地媒體透露，中超及中甲有望7月中開賽，各隊正積極進行友賽。分別效力中超廣州富力和中甲梅州客家的港將陳俊樂和梁諾恆，近期亦於熱身賽登場，其中「樂仔」上周六落場對廣州恒大，為富力交出助攻，表現搶鏡。
廣州富力上周六與廣州恒大「拍跳」，「樂仔」正選上陣兼踢足全場，上半場交出助攻，造就中超神射手艾蘭沙維先開紀錄。今仗與迪比利一齊坐鎮中場，「樂仔」坦言很欣賞這位比利時球星：「佢護球能力好強，喺佢身邊攞波好舒服。」可惜廣州富力在這場友賽1比2不敵恒大。
至於「細佬」梁諾恆亦遇上加盟梅州客家後的最大挑戰。梅州客家日前與中超新軍深圳佳兆業友賽，上半場已落後1比5，「細佬」下半場入替，獲45分鐘上陣時間，最終梅州客家以3比6落敗。「細佬」形容對手實力強勁：「比賽節奏比港超快，但呢幾星期都適應咗。」他透露球隊未來或會約戰廣州富力，有望與「樂仔」碰頭，惟「細佬」坦言更期待聯賽能盡早開咧。