身高1米80嘅奇絲希娜擁有白晳皮膚及一頭金黃色頭髮，一向係網民嘅寵兒，IG擁有近32萬追隨者，半年前佢喺IG收到一個陌生人邀請，希望佢加入伴遊行業，仲向佢強調成為高級伴遊女郎嘅好處。奇絲希娜即時拒絕，但對方竟然死纏爛打：「你唔好咁快拒絕，你都未知我開乜嘢條件，我可以畀好大筆錢，你每個月可以賺到20萬美元。」
倫敦世錦賽曾奪銀牌
1991年出生嘅奇絲希娜，16歲時已經獲得世青賽女子跳遠冠軍，2016年里約奧運雖然禁止300多名俄羅斯運動員參賽，但就允許佢以個人名義參戰，因為奇絲希娜一直喺美國生活及訓練，後來佢仲喺倫敦世錦賽獲得跳遠銀牌。不過，現時未知呢名索女可唔可以參加明年東京奧運。