寫啦！我愛「大頭妹」
在《足球小將》另一經典角色，當然是戴志偉的最強後盾「大頭妹」早苗！鍾偉豪亦直言已找到屬於自己的「大頭妹」Aimee：「雖然只係上年10月先識，但我已經認定Aimee係終生伴侶，人生規劃就係好想同佢結婚生仔！」訪問時記者再度提醒「印咗落報紙冇得改o架喇」，但「粟米」隨即豪言：「寫啦！一定係佢！一定走唔甩！Aimee我愛你！」既然認定了，當然要付諸行動，鍾偉豪上星期就求婚成功，恭喜！恭喜！
問到未來太太的重要性，外型一向行粗獷路線的「粟米」都有點害羞：「雖然Aimee都係嗰啲『點樣都解釋唔到畀佢知咩叫越位』嘅女仔，但每次佢嚟到球場睇波，我都會特別落力演出，亦成為推動力，真係好想喺佢面前顯示到我有幾本事。有時我喺球場失意，Aimee即使對足球唔熟，甚至唔係好明發生緊咩事，但佢都會不停鼓勵我，令我心靈得到治癒，繼續迎難而上，無後顧咁向夢想進發！」