還記得彭林林去年12月，與前輩歐陽耀冲一同到日本千葉縣接受試腳選拔，當時「林林」一身「冷帽襯皮褸」的時髦造型讓人留下深刻印象。他亦為當日的「型仔Look」解畫：「我唔係好高，所以着衫會冇咁Fit身，我覺得皮褸畀到人成熟得嚟，又冇咁兒嬉嘅感覺。」
其實富有時尚觸覺的彭林林，一直與好友文偉峰在服裝品味上互相影響。「我同『峰記』各自行街，見到啲靚衫會影相Send畀對方，雖然大家着衫嘅Style未必相同，但都會喺服裝上畀吓對方意見。」文偉峰亦因為其多變的形象，被前夢想ＦＣ隊長陳偉豪改了一個「花名」：「上年『豪哥』叫我『普巴』，可能因為我成日轉髮型，又高高哋，動作同行為又有少少似，之後叫落就個個都咁叫，但其實我自己就覺得唔似嘅，哈哈！」