藍鳥拍片為DSE考生打氣
傑志日前喺Facebook上載一條短片，為正在應考中學文憑試（DSE）嘅全港學生打氣，同提醒佢哋注意事項。片中「藍鳥」暫代主教練朱志光鼓勵今屆應考同學，要懷着「鬥志嘅心情，信心嘅腳步」踏入考場，喺每一科科目爭取好成績。至於球隊副總監梁志榮則提醒同學記緊帶齊應考所需用具，特別係准考證。
放鬆心情迎挑戰
而隊長黃洋同後衞唐建文就呼籲同學要保持放鬆心情應對，又話DSE只係漫長人生中一個小挑戰，只要抱住平和嘅心情，盡力發揮，定能獲得理想成績。另外，「藍鳥」亦透露，陣中球員當中，陳晉一、于楊同張廣然都係今年DSE考生，希望佢哋同樣收到球會提示，盡全力闖過難關。
（傑志Facebook短片截圖）