代表人物首推「和仔」
再早啲唔知，但90年代開始，本地波都有唔少長頭髮嘅球員，代表人物就梗係「和仔」啦！另外「飛仔麟」、離開咗東方之後嘅譚兆偉、外援基亞、基保，嗰把長長頭髮都成為咗佢哋嘅特徵。
以為嗰陣老一輩先興長髮？梗唔係啦！現任愉園總監潘文迪踢南華嗰期都好長頭髮；後期嘅趙俊傑同「灰熊」蘇偉泉，嗰把頭髮同樣唔講得笑。唔知球迷朋友仲有冇諗起邊啲本地波長髮系球員呢？
講完長頭髮，就一定要講吓光頭，印象中光頭嘅港甲或者港超球員，多數都係外籍球員，好似奧化、法圖斯、羅倫士、法比奧、辛祖同馬田等等，反而本地球員就少啲，就算花名叫「光頭」嘅顏樂楓，其實係有頭髮o架！
大頭