中國女子網球手王薔喺上年美網殺入8強，今年澳網亦打入16強，成績顯著進步，教咗佢半年嘅教練杜奧迪「冇功都有勞」。不過，呢位波蘭籍教頭就自爆，喺疫情期間王薔唔肯出糧，仲話再冇錢收就要做「外賣仔」，要送Pizza養家。
杜奧迪表示，佢同王薔有一份35至40周嘅合約，但因球賽停擺，即使肯自願減薪一半都係冇着落。消息傳出後，王薔喺自己社交網承認確有此事，並留言解釋︰「老實講，疫情期間三個多月沒有比賽，我真係攞唔出佢要求嘅數額，亦同佢講明我都有困難。」據悉，目前二人已「傾掂數」，並會繼續合作，不過王薔就冇提到金額同幾時先會找數。