晉峰教頭何信賢：好灰！

數百萬班費付諸流水

足總上周四（16日）經董事局會議後，宣布今季港超聯取消升降制，若有球會來季退出，才考慮邀請甲組球會升班。晉峰季前傳出班費達600萬，半季以30分位列首名，季中更簽入2位前西丙外援劍指升超。如今得悉結果，總教練「何Sir」受訪時直言，球會上下均感到相當沮喪：「如果10隊下年都踢就代表我哋冇機會，球員聽到之後都好Upset。好似你考到高分想入大學，但佢話唔係呀，要有位先得咁。」他反問，足總為何不可設11隊競逐下季聯賽，如今需要有隊退出才有機會被邀請，感覺「好灰」。

獲邀踢超聯亦感尷尬

與此同時，足總亦決定取消今季甲、乙、丙及女子聯賽的成績。「何Sir」稱這項決定更將球員，以至班主的努力付諸流水：「好難得成隊20幾人一齊奮鬥，上半季全華班都做到首名。班主使咗幾百萬又唔知做咩嘢，冠軍又冇。」

本月30日將是10支港超聯球隊，答覆足總下季會否參賽的限期。但無論有否球隊退賽，晉峰都要待足總邀請才可獲升班資格。何信賢大嘆，就算晉峰真的被邀請，足總打算將甲組半季賽果取消的做法，亦會令他們十分尷尬：「始終我哋冇個（冠軍）名份，有人會質疑點解畀我哋升，尤其係兩位班主會覺得唔好意思。所以點解我哋成日強調，有得踢就踢埋冠軍先升。」「何Sir」補充，球隊對升班的野心仍然十足，現在只好「聽天由命」，希望最終有圓滿結果。

球員合約方面，「何Sir」稱晉峰仍然會履行合約，為球員支薪至訂明的6月。鑑於西班牙疫情比香港嚴峻，球會建議兩名外援及主帥艾斯達維繼續留港，並為他們安排住宿，直至當地疫情緩和。

黃雋謙報道