喺疫情期間，港超聯球員除咗用行山同喺屋企「的波」嚟消磨時間外，仲可以去邊？標準流浪後衞迪達（Tita）就示範喺沙灘操體能嘅方法。日前，佢同香港飛馬翼鋒艾華、香港隊前鋒基奧，喺淺水灣瘋狂操練，嚟保持自己嘅體能狀態。
呢排Tita嘅社交網限時動態，不時影到佢身處沙灘，而且暫別球場近2個月，迪達體形依然Fit爆冇走樣，而間唔中見到有其他球圈中人喺片段中出現，包括艾華、基奧，仲有和富大埔助教艾雲添！睇嚟佢哋都覺得，淨係留喺屋企或做Gym太悶啦，其他港超聯球員有冇打算學迪達去沙灘曬曬太陽呢？