繼日前傑志女子足球隊隊員喺屋企參加「的廁紙」挑戰後，「藍鳥」近日再喺Facebook上載一條短片，片中16名傑志足球學院U9及U11隊員，喺自己家居表演「的廁紙」，參與呢項Challenge騷一騷腳法。
雖然佢哋年紀輕輕，但踢得有板有眼。其中「兩毫子」小朋友「的」得最多，一共7下，「楊鳴」亦施展出「窩利抽廁紙」，有姿勢有實際。不過就算玩咩都好，最緊要繼續盡量留喺屋企，疫情漸趨緩和都絕對唔好鬆懈，先可以打贏呢場疫戰！