傑志會長，前香港足球總會副主席伍健，早前在電視節目《大輝主場》接受香港體育學院主席林大輝訪問，論及他由球證起步，漸漸成為本地球圈一位顯赫人物的心路歷程，又提及他對前任足總主席梁孔德的評價。
伍健坦言，當他擔任球證的年代，足總正經歷一段頗為黑暗的時期，一些擁有數支乙、丙組球隊的人，在足總把持着決策權。反而投資巨額，如南華、精工等球會的班主並無任何權力。伍健以例子解釋：「成個足球界都係為咗選邊個做主席。喺紀律問題上，球員如果攞完紅牌做聆訊，打唔打得甩都係要拜託人。」他批評當時足總的做法如人治。
直至1995年，伍健受快譯通班主譚偉棠邀請成為總監，亦得以用球會代表身份加入足總，隨後當康寶駒於1999年出任主席，伍健就開始擔任董事局成員。被林大輝問到為何一直未有出選足總主席時，他這樣回答：「人貴自知，我覺得自己係最好嘅No.2。」伍健認為主席充當着與不同球會、政府尋求共識的角色，反而自己為人執着，認為對的事會堅持到底，未必勝任這個位置。
2015年伍健退任董事局，僅擔任顧問一職。他解釋，之前一直勸說秘書處做的事未有做好，做出來的成果亦未如他預期，令伍健始感失望：「一個人嘅能力有限，如果時間、精力淨係花喺傑志，我比較容易控制呢個板塊，咁喺貢獻香港足球都會順暢一啲。」對於好友梁孔德出任主席被指「無甚作為」，伍健則為其澄清：「佢需要問秘書處（行政總裁及其轄下職位）啲嘢，秘書處同佢講係點，但佢收嘅資訊未必正確，到落決定嗰時變咗有啲偏差。CEO收300萬一年，應該要畀正確嘅意見足總。」伍健又指主席需要擁有擺平各方利益的親和力，而梁孔德絕對勝任。
談及未來，伍健再提2034年香港隊打入世界盃決賽周的目標。他指出發展香港足球要4項元素：場地、教練、教材及幼苗，而頭3項傑志及足總已積極提升，為年青球員提供最好的培育空間。而他本人策劃興建的賽馬會傑志中心，亦正是為整個香港足球的利益而造，而非僅傑志一間球會：「希望做到係香港所有球員都可以用，最近起緊嘅2樓會用嚟做以足球為主嘅醫學中心，呢個係惠及成個本地足球界嘅發展。」