正在網絡上打得如火如荼的《NBA2K》錦標賽，球員鬥得激烈、球迷睇得開心，但博彩公司就唔多過癮，仲立即封盤添。
NBA停擺，球員冇波打，於是親身出戰《NBA2K》比拚，而博彩公司當然唔會錯過搵錢機會，誰知原來比賽係提前錄製，賽果晨早泄露之下，令博彩公司損失唔少，一位博彩公司經理話：「最初我哋諗住設定杜蘭特係冠軍熱門，當我哋首輪開盤時，賭注徹底去晒鍾斯嗰邊，好明顯有人知道結果。」
博彩公司原本參照電視台直播時間來開盤，但後來才發現是預先錄製再播出街。目前賽事已經去到4強階段，冠軍可獲10萬美元獎金，不過將全數捐給與新冠疫情相關的慈善組織。隨着各項體育賽事停擺，博彩公司這段時間亦受到重創，收入勁跌8成。