雖然今季港超聯何日重開仍未知，但不少球圈中人意識到「眼前日子不易過」。經歷過港甲近年冰河時期和小陽春的前香港隊隊長、現任香港飛馬球員兼助教陳偉豪，就在其facebook專頁撰文，勉勵球圈中人要逆境自強。
「我球員生涯晚年都算過得精彩，南華會自降，夢想又自降，到今個球季又可能延遲或腰斬，想安安穩穩過晚年都咁難。不過向好方面諗，就係因為香港球圈經常出現很多不確定性，所以每次我能夠再次着起件波衫行出球場比賽，我都會更加珍惜。今次呢個疫情對球圈嘅影響前所未見，比03年沙士更嚴重，或者又會再出現一次冰河時期都未定，所以希望經過今次之後，我哋香港球員無時無刻都要有危機感，唔好認為球市會一直向好而覺得所有嘢都係理所當然，珍惜現在球會畀你嘅機會，珍惜大家有波踢嘅日子。」