派夠5蛋東方龍獅入決賽

飛馬今場如常擺出5後衞陣式意圖鞏固防線，惟早段便被東方「巴西三寶」找到缺口，艾華頓4分鐘左路橫傳，辛祖一控一射破網先開紀錄。落後的飛馬不斷尋找機會，29分鐘傷愈復出的大衞拉菲爾擺過迪高後狂抽，越門高出。39分鐘佐佐木周禁區頂窩利抽射，可惜無功而還，飛馬半場落後0比1。

換邊後東方即拉開比數，艾華頓傳中導致黃俊皓犯手球，前者親自操刀得手。飛馬仍未氣餒，66分鐘艾華殺入禁區傳中，惟被基頓解圍。東方4分鐘由辛祖接應角球頂入，個人梅開二度。領先的東方愈踢愈順，86分鐘再憑後上的基頓頂成4比0。完場前艾華頓右路突破，射出「世界波」成5比0，東方龍獅大捷下殺入決賽。

「壽星仔」葉鴻輝難掩喜悅

賽後飛馬主帥文彼得認為球隊輸在下半場失勢：「上半場表現我係滿意，下半場人哋把握力同個人質素比我哋強，抵擋唔住。可能自己準備同處理得唔係咁好，要好好諗一諗。」

東方龍獅主帥李志堅認為合適運用巴西兵是致勝關鍵：「佢哋（巴西球員）本身都有一定認識，艾華頓係有能力，點樣發揮到佢，再去配合其他人係關鍵，辛祖更加係球隊重要一環。」「壽星仔」葉鴻輝今場賽後難掩喜悅：「生日正日贏波係好開心，球隊目標係想下年踢亞洲賽，贏到足總盃就有資格。」

文：黃雋謙

攝：何彥霆