有升冇降下季增至20隊
消息人士透露，日職、日乙以至今季都會取消降班，日乙、日丙前兩名可以升班，咁樣2021年球季日職將擴大到20隊參戰，今次係2004年以嚟，各級賽事首次唔設降班制度。
由於疫情未受控，能否好似當初計劃咁喺4月3日重開所有賽事，目前仍屬未知之數，所以與會者增訂兩個重開日期，分別為4月17日及5月1日。下周三（25日）同J League聯賽會開會，就會確定是否再延期。如延至4月17日，主要研究點樣編排賽程；若果推延到5月1日，賽程就要想法子壓縮，到時日聯盃賽制可能大幅更改，減少場次。