Post片回味香港踢波點滴
現年44歲嘅伊藤壇，1998年喺仙台維加泰出道，2001年開始外流之旅，2004年來港加盟傑志兩年，仲曾入選過港聯打賀歲盃，後轉赴馬來西亞，2008年重臨香江短暫效力屯門普高，舊年5月先喺關島退役。18年浪人生涯入面，伊藤壇去過22個國家及地區踢波，所以畀日媒形容係「亞洲候鳥」（アジアの渡り鳥）。伊藤壇非常回味外闖嘅日子，喺佢個官方Twitter裏面，仲有一條用舊相砌出嚟嘅片段，展示佢喺香港嘅比賽點滴。
初次出任監督，伊藤壇並無忐忑不安，反而覺得樂在其中，佢希望2023年帶領校隊進軍全日本高中大賽之外，未來可以培育出更多職業球員，為家鄉北海道嘅球壇作出貢獻。