和富大埔中場陸志豪（Michael）昨於足總盃8強倒戈冠忠南區，Michael踢足全場充當球隊的節拍器之餘，更於上半場取得入波，成為球隊晉級4強的功臣。賽後Michael未有邀功：「覺得自己表現唔係特別好，亦唔算特別差。」同時大讚隊中南韓孖寶表現搶鏡。
今仗對手南區佔據大部分控球權，Michael要與狄卡奧和比圖等舊隊友較量，他直言面對舊主感覺特別興奮，希望能夠證明自己：「對番佢哋（南區），都想踢得好啲，自己覺得贏波係最緊要。」Michael坦言有信心面對挑戰，但認為球隊能否打入決賽，依然要視乎場上表現。
大埔近況回勇，前場3位韓日兵的出色表現固然是主因，除中村祐人有斬獲之外，今仗再有入球的南韓新兵金承龍（阿Kim），賽後更當選「全場最佳球員」（MOM），Michael不忘大讚他們的職業精神，更透露兩位南韓球員之間的默契非凡，笑言金承龍的加盟，成功激發同胞金玟基的潛能：「佢哋好專業，『阿Kim』嚟到態度好好，尤其佢可以控制到金玟基（Minki），因為金玟基有時會『跳掣』，『阿Kim』可以令『Minki』踢得好啲。」Michael認為幾位東亞外援注重輩分關係，亦是他們能交出優異表現的關鍵。
文：林卓臻