日高中棒球取消唔見21.6億

咪以為學界比賽停擺冇乜損失,其實可能同職業比賽一樣咁傷!第92屆日本高中棒球選拔大會(俗稱春季甲子園)嘅主辦機構上周四宣布,受新型冠狀病毒感染擴大影響,本屆大會被逼停辦,此事造成嘅經濟損失,估計高達289億7005萬日圓(約21.6億港元)。

二戰後首次發生

應屆春季甲子園原定本月19日開打,惟因疫情凶猛,日本高校棒球聯盟決定停辦本屆賽事,關西大學名譽教授宮本勝浩以過去3年入場觀眾的平均數51.4萬人計算,估計今次事件包括門票、觀眾交通、住宿、飲食以至商品銷售,會造成289億7005萬日圓嘅經濟損失,而且對其他大型活動是否舉行,可能會形成影響。事實消息公布後,好多商家都叫苦不迭,阪神甲子園球場附近嘅大力食堂,81歲高齡店主藤坂悅夫和78歲妻子初枝聞訊老淚縱橫,泣不成聲。

選拔大會停辦,係繼1942至1946年因第二次世界大戰中斷後嘅首次,今次疫情可以稱之為另類第三次世界大戰。